Бугунги кунни Премьер Лига мухлислари  интиқлик билан кутишган бўлса ажаб эмас! Бугун Англия Суперкубоги учун ўйин бўлиб ўтади. Бу ўйинда Арсенал – Манчестер Сити тўқнашувини кўрамиз. Бу сафарги тўқнашув анча бахсларга бой ва қизиқарли ўтишига шубха йўқ. Нимага денг? Чунки бу йил иккала клуб хам таркибга анча ўзгартиришлар киритди ва мураббийлар ўйин тактикаларини шунга яраша ўзгартириши мумкин.

“Арсенал” шу пайтгача Англия суперкубоги финалида 19 маротаба ўйнаган. Шулардан 12 тасида суперкубокни қўлга киритган!( 1930, 1931, 1933, 1934, 1938, 1948, 1953, 1991, 1998, 1999, 2002, 2004). Қуйидаги жадвалда “Арсенал” нинг Англия суперкубокларидаги ғалабалари келтирилган.

 7 маротаба эса финалгача етиб келган.( 1935, 1936, 1979, 1989, 1993, 2003, 2005)

Бу йилги суперкубок финали “Арсенал” учун 20 – си бўлади."Сити" эса тўрт бор мана шу совринга эга чиққан.

Ўзаро ўйинлар статистикаси

Шу пайтгача Арсенал – Манчестер Сити клублари ўзаро 185 маротаба куч синашишган. Ўйинларнинг 94 тасида  «Арсенал» ни қўли баланд келган. 42 та ўйинда ўйинчилар муроса йўлини танлашган.Қолган  49 та ўйинда шахарликлар ғалаба қозонишган.

 Голлар нисбати 299 - 211 (+88) Арсенал фойдасига.

Арсен Венгер финалга қандай тактика танлар экан?

Венгер хар доимгидек финал учун қуйидаги оптимал таркибни танласа керак. Масалан: дарвозада Шесни, химояда : Чемберс, Коселни,Гиббс, Дебюши, таянч ярим химоячилар: Артета, Уилшер, ярим химоячилар: Ремси, Касорла, Санчес, хужумчи: Жиру.

Венгер дарвозабонлар танловида албатта Шеснини танлайди, сабаби клубга янги қўшилган Оспинани майдонга тушириб таваккал қилмаса керак. Таркибдаги химоя чизиғи хозирча клуб учун асосий химоячилардан тузилган. Ха балким бу химоячилар кучсизроқдир лекин клубни хозирги холатидан келиб чиқадиган бўлсак бугунги ўйин учун идеал химоя чизиғи, чунки клубнинг асосий химоячилари бўлган Мертасакер ва Вермален таркибда йўқ. Таянч ярим химоячилари ўзгармаган. Артета – Уилшер. Ярим химояда ўзгаришлар кузатилиши мумкин: Ремси, Касорла, Санчес. Росицки асосий таркибда тушмаса керак, сабаби у ўйинга хали таёр эмас. Шунинг учун Томаш захирада қолдирилади. Хужум чизиғида танлов катта! Саного, Кемпелл ва Жиру. Бу 3 хужумчидан қайси бири асосий таркибга киритилар экан? Венгер бу 3 хужумчидан Жируни танласа керак, чунки Саного ва Кемпеллдан кўра Оливе Жиру тажрибалироқ ва хужумда самарали ўйнай олади.

Йўқотишлар: Месут Ўзил, Пер Мертасакер, Лукаш Подолскилар( хаммаси ЖЧ финалида қатнашганлиги учун ўйинга таёр эмас)  Хозирча Абу Диаби хам белидан жарохат олган. У хам ўйинга тушмайди. Клубнинг яна бир асосий хужумчиси бўлган Тео Уолкот жарохати туфайли мавсум бошини ўтказиб юборади.

Пеллегрини таркиби....

Манчестер Сити бу йил трансфер бозорида кўп ўйинчи сотиб олгани йўқ. Янгилардан: Бакари Саня(Арсенал), Френк Лемпард(Нью-йорк Сити),Фернандо(Порту),Скулини(Расинг Авельянеда).

Хозирча клубнинг янги ўйинчиларидан фақат Скулини ва Фернандолар ўйин қайдномасига киритилган.  Пеллегрини  майдонга туширадиган тахминий таркиб куйидагича булиши мумкин:  дарвозада Харт, химояда: Гарсия, Настасич, Ричардс, Клиши, таянч ярим химоячилар: Фернандо, Туре, ярим химоячилар: Силва, Насри, Милнер, хужумчи: Эдин Жеко

Пеллегрини дарвозабонлардан  Харт ёки Кабальерони асосий таркибга киритиши мумкин. Клубнинг 3 - дарвозабони Панталимон бу ёзда клуб билан хайрлашди. Клуб химоя чизиғи бутунлай ўзгарган, асосий химоячилар: Компани, Демикелес, Сабалеталар мавсумга алохида таёргарлик кўришмоқда.Улар ўйин қайдномасига киритилмаган. Шунинг учун Гарсия, Настасич, Ричардс, Клишилар асосий таркибдан жой олишди. Коларов захирада қолдирилиши мумкин. Таянч ярим химояда ўзгариш кузатилиши мумкин. Фернандино мавсумга алохида таёргарлик кўрмоқда. У хам бугунги ўйинга таёр эмас. Асосий таркибда унинг жойини Фернандо эгаллаши мумкин. Хозирча унда муаммолар йўқ. Менимча ярим химоя чизиғида хам ўзгаришлар бўлмайди , чунки хозирги таркибда бу 3 футболчи даражасида ўйнайдиган ўйинчилар йўқ. Пеллегринида хужумчилар борасида анча муаммолар бор. Клубнинг асосий хужумчилари Алваро Негредо ва Агуэролар жарохат олишган. Мураббий учун битта вариант қолди бу : Эдин Жеко. У хам хужумда самарали ўйнайди лекин Агуэродек эмас.

 Йўкотишлар:

Компани, Демикелес, Сабалета, ва Фернандино ўйинга таёр эмас. Асосий хужумчилар Негредо ва Агуэролар жарохат олишган.

2014-йил 10 – август Якшанба

Арсенал vs Maн Сити  
Стадион: Уэмбли
Бошланиш вақти: 19:00(Тошкент вақти билан)
TV: Россия 2.

Арсеналнинг тахминий таркиби (4-2-3-1): Шесни, Чемберс, Коселни,Гиббс, Дебюши, Артета, Уилшер, Ремси, Касорла, Санчес, Жиру

Ўйинга тушмайди: Месут Ўзил, Пер Мертасакер, Лукаш Подолски,Абу Диаби, Тео Уолкот

Ўйинга тушиши сўроқ остида: Росицки

Ман Ситининг тахминий таркиби (4-3-2-1): Харт, Гарсия, Настасич, Ричардс, Клиши, Фернандо, Туре, Силва, Насри, Милнер, Эдин Жеко

Ўйинга тушмайди: Агуэро,Фернандино,Негредо,Компани, Демикелес, Сабалета

Ўйинга тушиши сўроқ остида: Коларов

Хакам: Майкл Оливер

Ёрдамчилари: Стюарт Берт (Нортгемптоншир) Даррен Ингланд (Жанубий Йоркшир)