ХАЙБЕРИ

Маълумотнома
Қурилган: 1913 йил
Реконструкция: 1932-1936, 1992-1993
Ёпилган: 2006
Лоҳия қиймати: 125 минг фунт (1913 йилда)
Архитектор: Арчибалд Лейтч (1913), Клод Феррер ва Уилям Бинни (1930 йилда), Популоус (шимолий трибунлар)
Тегишли ташкилот: ArsenalHoldingplc
Сиғими: 38 419
Уй ўйини ўтказган: «Арсенал» ФК (1913-2006 йилларда)

«Хайбери». Лондоннинг «Арсенал» клубига тегишли бўлган стадион. Жамоа 1913 йилдан 2006 йилгача шу стадионда уй учрашувларини ўтказган. Арена 1913 йилнинг 6 сентябрида очилган ва 38 минг 500 мухлисга мўлжалланган. 2006 йилда «Арсенал» «Хайбери» билан хайрлашди ва «Эмирейтс» стадионига кўчиб ўтди.

1986 йилда ташкил этилган «Арсенал» клуби узоқ вақт стадионсиз юрди. Жамоа аввалига ўзига ҳомийлик қилувчи артиллерия заводи стадионида ўйнаб юрди. Кейинчалик «Арсенал» илк натижаларини қайд этгач унга майдон ва кийиниш хонаси бўлган «Инвикт» стадионини таклиф қилишди. Жамоа «Фулҳэм» билан уларнинг стадионида ўйнашга ҳам келиша олмаганидан кейин «Инвикт»да ўйнаб юрди. 1913 йилнинг ёзида клуб хўжайини Генри Норрис Лондоннинг Хайбери ҳудудидан ер сотиб олди ва ўша ерга стадион қуришга қарор қилди. Норрис ер олди ва 21 йиллик ижарага келишди. Кўп ўтмай 6 сентябрда стаион қурилди. Ўша куни стадионда биринчи ўйин ўтказилди. Унда «Арсенал» «Лестер Фосс»ни қабул қилди ҳамда 2:1 ҳисобида ғалаба қозонди. Меҳмонлар футболчиси Томми Бенфилд «Хайбери»даги биринчи гол муаллифи бўлди. «Арсенал»дан бу бахтга Жожр Жоби муяссар бўлди. 1925 йилга келиб «Арсенал» аслида коллежга қарашли бўлган ерни 64 минг фунтга сотиб олди. Иккинчи жаҳон уриши вақтида стаионга немислар томонидан жиддий зарар етказилади.Шундан кейин кўплаб қайта ишлаш олиб борилади, леикин фақатгина 1992 йилга келиб «Хайбери» тўлиқ таъмирланади ва чиройли кўринишга келади. «Арсенал» «Хайбери»даги охирги ўйини 2006 йилнинг 7 майида «Уиган»га қарши ўтказади. Ўйинда Арсен Венгер жамоаси 4:2 ҳисобида ғалаба қозонади ва Тьери Анри учта голга муаллифлик қилади. Стадион ёпилгандан кейин унинг ҳар бир детали кимошди савдосига қўйилди. Бурчакдаги байроқчалар, дарвоза устунлари, тўрлари ва ҳоказолар.

«Эмирейтс»
Маълумотнома
Очилган: 2006 йил 6 июль
Ҳомий: «Emirates Airline»
Лойиҳа қиймати: 700 миллион доллар
Сиғими: 61 000
Майдoн ўлчами: 110х75

Лондоннинг «Арсенал» клуби 2006 йилда афсонавий «Хайбери» стадиони билан хайрлашди. Ўша йиллардан жамоа БААнинг «Emirates Airline» корхонаси билан ҳамкорлик қила бошлади. Стаионни айнан «Арсенал»нинг бош ҳомийси қурди ва унга «Эмирейтс» номи берилди. Стадион айни вақтда Англия клублари стадионлари ичида «МЮ»нинг «Олд Траффорд» аренасидан кейинги иккинчи ўринда туради. Англиядаги жуда кўп клублар бу стадионда ўйнаш ёқимли эканини таъкидлашади. «Эмирейтс» даги илк учрашув 2006 йилнинг 6 июлида бўлиб ўтади. Ўша куни жамоа афсонаси Деннис Бэркампнинг хайрлашув ўйини ўтказилди. «Арсенал» Голландиянинг «Аякс» клубини қабул қилади ва 2:1 ҳисобида ғалаба қозонади. Стадиондаги биринчи халқаро ўйин ўша йилнинг кузида бўлади. Бразилия ҳамда Аргентина терма жамоалари ўртоқлик ўйинида майдонга тушишади ва ўйинда Пеле ватандошлари 3:0 ҳисобида ғалаба қозпнишади. Стадиондаги чипталар нархи жойлашган ўрин ва ўйин даражасига кўра белгиланади. 2010 йил маълумотига кўра, энг арзон чипта 14 фунт, энг қиммати эса 95 фунтни ташкил қилади. «Эмирейтс» жаҳоннинг энг қиммат стаионларидан бири ҳисобланади. Уни қуриш учун 700 миллион доллар сарфлашган эди.

livermore