Кеча Гудисон Паркда АПЛ ни 2 – туридан ўрин олган “Эвертон” – “Арсенал” ўйини бўлиб ўтди. Хозир шу ўйини тахлил қилишга харакат қиламиз...

“Эвертон” учун омадли тайм...(1-бўлим)

Гудисон Паркдаги ўйининг 1-тайми қисман айтганимизда “Эвертон” фойдасига хал бўлди. Ха Мартинез бу йил яхши жамоа шакллантиргани кечаги ўйинда сезилди. Эьтибор берадиган бўлсак “Эвертон” хужимлари кўпинча химоядан бошланмоқда. Буни қандай тушуниш мумкин? Битта мисол қилиб 1 – гол бўлган вазиятни олишимиз мумкин. Лейтон Бейнс чап қанотдан тўпни Барига узатди. Бари эса тўпни жарима майдончаси ичидаги Коулменга ажойиб тарзда етказиб берди. Коулмен боши билан Шесни дарвозасига гол урди. Бейнс-Бари-Коулмен. Мана сизга “Эвертон” химояси! Айтиш жойизки шу вазиятда Коулмени Ўзил ёпиши керак эди. Канонирларни хужуми хам ора-орада кўзга ташланиб қолар эди-ю, лекин натижасиз. Тайм охирида Лукаку “Арсенал” химоячиларидан қочиб кетди ва қанотдан ажойиб спринтни амалга оширди. Лукаку жарима майдончасига кириб бораётган шериги Нейсмитга тўпни узатди. Нейсмит  қанот хакамларининг қўпол хатосидан кейин Шесни дарвозасига иккинчи голни урди. Бу голга кейинроқ тўхталамиз. 1 – тайм шу тарзда ўз нихоясига етди.

“Арсенал” нинг иродаси(2-бўлим)

2 – тайм бошида Венгер таркибга ўзгартириш киритди. 1-таймда харакат қилган Жек Уилшер, Чемберлен, Санчеслар ўрнига Касорла, Жиру ва Кампеллар майдонга тушишди. Венгерни бу ўзгартиришлари ўз сўзини айтди. 2 – таймдаги биринчи хавфли вазиятни канонирлар яратди. Ўнг қанотдан Жируга ажойиб пас чиқарилди. Жиру тўпни тушурмай дарвоза тамон тепди, лекин бу сафарги уринишга сал аниқлик етишмади. “Арсенал”ни хужуми тўхтамаётган бир пайтда “Эвертон” қарши хужумга ўтди. Яна ўша тиниб-тинчимас химоячи Лейтон Бейнс қанотдан “Арсенал” химоясини ёриб кирди. Жарима майдончаси ичида Бейнс тўпни бир амаллаб шерикларига узатди, лекин уни харакатларини жамоадошлари тушунишмади. “Арсенал” ўйиннинг 83 – дақиқасида Ремсининг голидан кейин хисобни қисқартирди. Чап қанотдан Касорла жарима майдончасига кириб келди ва тўпни Ремсига узатди. Ремси 4 та химоячи қуршовида бўлишига қарамай бу вазиятни голга айлантирди. “Арсенал” шу голдан сўнг уйғонди назаримда. Шундан сўнг канонирлар бор кучи билан хужумга ўтди. Шундай хужумларнинг бирида, аниқроғи ўйининг 90 – дақиқасида “Арсенал” хисобни тенглаштирди. Монреални чап қанотдан узатган тўпини Жиру боши билан дарвозага киритди. Менимча “Арсенал” нинг хамма мухлислари ўйин охирида мўжиза юз беришини хохлаётган эди. Мана сизга мўжиза! Мана сизга ирода!

Хакамларнинг хатоси!

Хакамлар 2 – гол урилганида қўпол хатоликка йўл қўйишди.Тўғриси Нейсмит гол урганда 100% ўйиндан ташқари холатта қолиб кетди. Буни хамма кўрди. Нима учун қанот хаками буни кўрмади тушунмадим. Хакамларнинг битта олтин қоидаси бор: “ Хакам чиқараётган қарорлар ўйин хисобига ўз таьсирини кўрсатмаслиги керак” . Френд ўйини яхши бошқаргандир, лекин бу қўпол хато уни бригадаси учун фақат ва фақат «минус» тамонга ишлайди! Ўйиндан кейин Венгер бу голга ўз фикрини билдириб ўтди: “Биз мағлубиятдан қутулиб, жуда муҳим очкони қўлга киритдик. Жуда кеч “уйғонган” бўлсак ҳам, “Арсенал”нинг жанговар руҳи бизга очко олиб келди. “Эвертон”нинг иккинчи голи офсайддан киритилганди, аммо биз бу ҳолатда тушкунликка тушмадик. Бу бизнинг кучли характердан дарак беради”, - дейди Венгер.

livermore