«Арсенал» бу ёзги трансфер ойнасида анча фаол бўлди. Хўш клубимизга бу ёзда ким келди? Ким кетди? Хозир шу хақида қисқача сухбатлашамиз.

Келганлар:

Алексис Санчес (вингер/хужумчи, «Барселона») - 35 млн фунт.

«Барселона»дан таклиф этилган Чилилик хужумчи «Арсенал»га яхши қўшилиб кетди. Алексис ўтган йилги мавсумдан кейин каталонияликлар сафини тарк этиши аниқ бўлиб қолди, чунки «Барселона»га Неймар келгандан сўнг Алексис ўтган йилги мавсумда етарлича ўйин амалиётига эга бўла олмади.Санчес ЖЧ дан кейин «Арсенал» билан шартнома имзолади. Санчес янги жамоасида 17 - рақам остида ўйнайди.

Дэнни Уэлбек (вингер/хужумчи, «Манчестер Юнайтед») - 16 млн фунт.

Ёзги трансфер ойнасини ёпилишига саноқли дақиқалар қолганида канонирлар «МЮ»дан Денни Уэлбекни харид қилишди. «Арсенал» бу хужумчини сотиб олишини асосий сабаби клубнинг асосий хужумчиларидан бири бўлган Жируни сафда йўқлиги. Оливе «Эвертон» га қарши кечган ўйинда жарохат олган. Уэлбек янги жамоасида            23 – рақам остида майдонга тушади. 

Мате Дебюши (ўнг қанот химоячиси, «Нюкасл») - 12 млн фунт.

Дебюши аслида ўтган йили «Арсенал» сафига ўтиши керак эди, лекин қарғалар «Арсенал» таклиф этган пулга кўнишмаганди. Бу йил канонирлар сафини Бакари Саня эркин агент сифатида тарк этди. «Арсенал» Саняни ўрнини тўлдириш учун «Нюкасл» дан барибир Дебюшини сотиб олди. Дебюши янги жамоасида 2 –рақам остида майдонга тушади.

Калум Чамберс (химоячи, «Саутгемптон») - 15 млн фунт.

Канонирлар асосий химоячиси Томас Вермаленни «Барселона»га сотганидан сўнг, унинг жойини “Саутгемтон” нинг ёш химоячиси Калум Чемберс билан тўлдирди. Арсен Венгер Чемберсни майдонда марказий химоя чизиғида синаб кўрмоқчи. Калум янги жамоасида   21 – рақам остида майдонга тушади.

Давид Оспина (дарвозабон, «Ницца») - 3 млн фунт.

«Арсенал» бу йил дарвозабон сотиб олишни ўз олидига мақсад қилиб қўйганди, чунки клубнинг 2-дарвозабони Лукаш Фабиански бу ёзда эркин агентга айланганди. Шунинг учун канонирлар ЖЧ да Колумбия терма жамоаси сафида фантастик ўйин ўтказган Давид Оспинани харид қилди.Ха бу дарвозабонни кўпчилик ЖЧ бошланмагунигача танимас эди! Оспина янги жамоасида 13-рақам остида майдонга тушади.

Трансфер учун ишлатилган маблағ : 81 млн фунт.

Кетганлар:

Томас Вермален («Барселона») - 15 млн фунт.

Томас Вермален ўтган мавсум анча вақтини майдондан ташқарида захира уриндиғида ўтказди, шунинг учун ўйин амалиётига унчалик эга бўла олмади. Бу ёзда «Арсенал» Томасни  «Барселона»га сотиб юборди.  

Йоанн Журу («Гамбург») - 2.5 млн фунт.

Журу «Арсенал» дан кетиб, ижара асосида бошқа клубларда ўйнаётганига мана 3 йил хам бўлиб қолди. Ва нихоят бу йил канонирлар Йоанндан қутилди. Журуни Бундеслига аъзоси  «Гамбург» га сотиб юборди.

Беник Афобе («МК Донс») - ижара.

Афобе ўтган мавсумни «Арсенал» ёшлар жамоаси таркибида ўтказди. Канонирлар бу йил Беникни «МК Донс» клубига ижарага бериб юборди.  

Рио Мияичи («Твенте») - ижара.

Хар йили ижарага бериладиган Рио бу йил хам шу анъанага содиқ қолган холда «Твенте» клубига ижарага бериди. 21 ёшли япон бир мавсум давомида Голландия клубида ижарада ўйнайди, деб хабар бермоқда «канонирлар» расмий сайти.Эслатиб ўтамиз, ўз вақтида Мияити Голландияда «Фейеноорд» сафида ўйнаган.

Чукс Анеке («Зулте Варегем») - эркин агент.

Анекени бу йил «Арсенал» билан тузган шартномаси тугади. Клуб ўйинчи билан тузган шартномасини узайтирмади. Шунинг учун Чукс бу йил эркин агентга айланди ва Белгиянинг «Зулте Варегем» клубига ўтиб кетди.

Зак Анса («Чарлтон») - эркин агент.

Анса хам асосий таркибга кира олмаганидан сўнг клуб билан шартномасини узайтирмади. Зак бу ёзда «Чарлтон» клубига эркин агент мақомида ўтди.

Никлас Бентнер («Волфсбург») - эркин агент.

«Арсенал»нинг Даниялик хужумчиси Никлас Бентнер билан тузган шартномаси бу ёзда ўз нихоясига етди. Канонирлар Бентнер билан тузган шартномасини узайтирмади. Бу  Никласга яхши бўлди, чунки ўткан мавсумда у канонирлар таркибида яхши ўйин амалиётига эга бўла олмади. Бу ёзда Даниялик хужумчи эркин агент сифатида Германиянинг «Волфсбург» клубига ўтиб кетди.

Даниэл Боатенг - эркин агент.

Томас Айсфелд («Фулхэм») – ноъмалум сумма.

Лукаш Фабиански («Суонси») - эркин агент.

Фабиански ўтган мавсумда «Арсенал» дарвозасини анча хавфли вазиятлардан қутқариб қолган эди. Бу ёзда Лукашни клуб билан тузган шартномаси ўз нихоясига етди. Афсуски клуб Лукаш билан тузилган шартномани узайтирмади. Фабиански бу ёзда эркин агент сифатида «Суонси» клубига ўтиб кетди.

Карл Дженкинсон («Вест Хэм») - ижара.

Ёзги трансфер вақтида клуб химоячиси Женкинсон 5 млн евро эвазига “Вест Хэм” аъзосига айланиши мумкин эди, лекин канонирлар Женкинсони сотиш ниятидан қайтишди ва мавсум охиригача “Вест Хэм” га ижарага беришди.

Пак Чу Ен - эркин агент.

Тўғриси Жанубий Кореялик хужумчи «Арсенал» таркибига ўтгандан бери бир тузукроқ мавсумни ўтказмади.Бу йил у эркин агентга айланди.

Бакари Саня («Манчестер Сити») - эркин агент.

«Арсенал» Саняга шартномаси тугашига оз муддат қолганида унга янги шартнома таклиф қилди, лекин Бакари бунга кўнмади. Шундан сўнг у эркин агент сифатида Сити таркибига бориб қўшилди.

Веллингтон Силва («Алмерия») - ижара.

Канонирларнинг Бразилялик хужумчиси Веллингтон Силва бу мавсумни Ла Лиганинг«Алмерия»сида ўтказадиган бўлди. Силва ўтган мавсумни Сегуданинг «Мурсия» сида ижара асосида ўтказганди. 21 ёшли хужумчи шу пайтгача Испаниянинг «Леванте», «Алкойано» ва «Понферрадина» клубларида ижара асосида ўйнаган.

Йон Торал («Брентфорд») - ижара.

Игнаси Микел («Норвич») - 1.5 млн фунт.

Кристофер Олссон («Мюттланд») - ижара

Олссон бу мавсумни «Мюттланд» клубида ижара асосида ўтказади.

livermore

Худойбердиев Нурмухаммад