Англия Премьер-лигаси айни пайтда жаҳонда энг кучли чемпионат ҳисобланади. Шу боисдан бутун дунё футбол жамоатчилигини назари айнан шу биринчиликга қаратилади дейиш мумкин. Янги мавсум арафасида чемпионатнинг гранд клублари ўз сафларини кучайтириш учун катта эътибор қаратди. Боиси, Премьер-лигада чемпион бўлишни барча иштирокчилар хоҳлайди. Якунда эса битта чемпион чиқади.  Хўш, 2015/2016 йилги мавсумда асосий гранд дея эътироф этилаётган жамоалар ўз таркибларини қай даражада кучайтирди? Бу жамоаларнинг ғолиблик учун имкониятлари қандай? Қуйида шу тўғрисида сўз юритамиз. 
  
“ЧЕЛСИ” 

Ўтган мавсумда Англия Премьер-лигаси чемпионлигини қўлга киритган “Челси”нинг жорий йилдаги мақсади ҳам яна чемпионликдир. Клуб амалдаги унвонини сақлаб қолишга ҳаракат қилади. Тўғри, жамоа мавсумни бошини яхши бошлай олмади. Англия Суперкубогида “Арсенал”га имкониятни бой берди ҳамда бош совринсиз қолиб кетди. Шунга қарамай, жамоа бош мураббийи Жозе Моуриньо клубнинг мақсади, Англия чемпионлиги эканлигини айтиб ўтмоқда. 
ТРАНСФЕРЛАРИ: Лондонликлар доимо трансфер  бозори вақтида доимо фаол бўлишга ва таркибни сезирарли даражада кчайтиришга ҳаракат қилади. Жорий йилги саводлар вақтида “Челси” иккита харидни амалга оширди. Бири ҳужумчи Радамель Фалькаони ташрифи бўлса, яна бири дарвозабон Асмир Бегович бўлди. Фалькаони жамоа ижарага олган бўлса, Беговичнинг трансфери 8 миллион фунтга баҳоланди. Кўриб турибсизки, португалиялик мутахассис Жозе Моуриньо таркибда катта ўзгаришлар қилишга шошилмаяпти. 
ЙЎҚОТИШЛАРИ: Жамоа ҳам бир нечта футболчиларини сотишга мажбур бўлди. Хусусан клубнинг афсонавий дарвозабони бўлиб келган Петр Чех ҳам “Челси”ни тарк этди. У “Арсенал”га йўл олди. Албатта, бу трансфердан жамоа 11 миллион фунт ишлаб олди. Яна бир футболчи Дидье Дрогба ҳам фаолиятини Канада чемпионатида давом эттириш учун Шимолий Америка томон сафар уюштирди. 
АПЛ ЧЕМПИОНЛИГИ УЧУН ИМКОНИЯТИ: Инглиз мутахассислари ва экспертлари “Челси”ни яна чемпиони бўла олишини тахмин қилишмоқда. Хусусан улар клубнинг АПЛни ютиши учун 100 фоиз тайёрлигини маълум қилишган. 
Жозе МОУРИНЬО (жамоа бош мураббийи): - “Англия Премьер-лигаси чемпионлигини ўзимизда сақлаб қола олишимизга ишонаман. Мақсадимиз, яна бир маротаба чемпионатда тенгсиз деб топилиш. Таркибимизда ажойиб ижрочилар бор.  Рақибларимиз таркибни қандай даражада кучайтираётганлиги мени қизиқтирмайди. “Челси” барчасидан кучли эканлигини кўрсата олади”. 
  
“МАНЧЕСТЕР СИТИ” 

Араб шайхларининг жамоаси бўлган “Манчестер Сити” ҳам ўтган мавсумга қараганда янада кучли даражага кириб боряпти. Клуб ўтган мавсумда чемпионликни “Челси”га топшириб қўйганидан сўнг бор аламини жорий  йилда олишни режалаштирган. Ёзда клуб турли қитъаларда бўлиб, таркибни шакллантириш, янги футболчиларни қўшиб олишга катта аҳамият берди. Ҳар ҳолда араб шахйларида миллионлардан истаганча топилади. Бу эса клубнинг янада қудратли бўлиши учун етарли дейиш мумкин. 
ТРАНСФЕРЛАРИ: Эътиборингизни жамоанинг ёзда харид қилган трансферларига қаратамиз. Рахим Стерлинг, Фабиан Дельф сингари футболчилар билан шартнома тузди. Ҳар иккисининг трансфери жамоа учун жуда каттага тушди. Хусусан, Рахим Стерлингни “шаҳарликлар” 49 миллион фунтга харид қилган бўлишса, Дельф учун “Астон Вилла”га 8 миллион фунтни берди. Хуллас, жамоа ҳозирча 57 миллион фунтга янги ўйинчиларни харид қилди. 
ЙЎҚОТИШЛАРИ: “Манчестер Сити”нинг йўқотишлари деганда, жиддийроқ фуболчисини қўйиб юборганида тушунса бўларди. Бироқ жамоа атига бир нечта ўйинчиларини бошқа клубга бериб юборди. Скотт Синклер, Жеймс Милнер, Мика Ричардс. Айтиш керакки, бу футболчилар клубнинг асосий таркиби вакиллари эмасди. Милнер тўп сурарди. Бироқ иккита янги ижрочининг келиши оқибатида Жеймс ҳам заҳирага михланиб қоларди. 
 АПЛ ЧЕМПИОНЛИГИ УЧУН ИМКОНИЯТИ: Бир йиллик танаффусдан сўнг “шаҳарликлар”нинг яна Англия тахтига қайтиши тахмин қилинмоқда. Клуб Стерлингни олиб келганидан сўнг кучига яна куч қўшилди дейилмоқда. Чунки Рахим исталганча жойда ҳужумларни ривожлантира олади. Шу боисдан “МС”нинг имкониятлари кенг баҳоланаётгани шунда. Тахминларга кўра, клубнинг чемпионлик учун имкониятлари 95 фоизни ташкил қилмоқда. 
Мануэль ПЕЛЛЕГРИНИ (жамоа бош мураббийи): - “Биз ўтган йилдаги хатолардан кейин тўғри хулосалар чиқарганмиз ва янги мавсумда чемпион бўлиш учун курашамиз. Ишонаманки, бу борада бизнинг имкониятларимиз бошқаларникидан устунроқ”. 
  
“АРСЕНАЛ” 

“Тўпчилар” ёзги турнерларда ажойиб тарзда футбол кўрсатишиб, барчани лол қолдирмоқда. Чунки ўтказилган иккита халқаро турнирда кучли рақибларини енгиб, совринларни қўлга киритди. Қолаверса, Англия Суперкубогида зафар қучишган ҳолда, мавсумни кўтаринка кайфиятда бошлайдиган бўлишди. 
ТРАНСФЕРИ: Негадир бу йил Арсен Венгер катта харидларни амалга оширмаяпти. Биргина дарвозабон Петр Чехни ҳисобга олмаганда, жамоа бошқа чизиқларни кучайтиришга катта эътибор қаратмади. Чех трансфери “тўпчилар”нинг ғазнасига 11 миллион фунтни кетишига сабабчи бўлди холос. Тўғри, жамоа Карим Бенземага харидор эди. Лекин “Реал”ни уни сотмаслигини айтганидан сўнг, бу трансфер ҳам амалга оширилмайдиган бўлди. 
ЙЎҚОТИШЛАРИ: Клуб катта йўқотишларга жазм қилганича йўқ. Абу Диаби “Арсенал” билан шартномаси тугагани сабабли, эркин агент сифатида жамоасини тарк этди. Қолаверса, заҳира дарвозабонига айланиб қолган польшалик Войцех Шесни эса “Рома”га ижарага бериладиган бўлди. Чунки Чех келганидан сўнг унинг имкониятлари янада тушиб кетиши табиий эди. 
АПЛ ЧЕМПИОНЛИГИ УЧУН ИМКОНИЯТИ: Маълумотларга қараганда, “Арсенал” чемпион бўла олмайди. Жамоа мавсумни яхши бошлаши ва кўпчиликни ажалантириши мумкин. Иккинчи даврага келганда эса пасайишлар даври бошланади. Шундай бўлса-да, “тўпчилар”нинг имкониятини 80 фоизга тенг деб қаралмоқда. 
Арсен ВЕНГЕР (жамоа бош мураббийи): - “АПЛни қачон ютгандик. Бунга ўн йиллардан кўпроқ бўлиб қолди. Ниҳоят, чемпионлик даражасига чиқа оладиган пайтимиз келди. Таркибимиз сайқалланиб, чемпион бўлиш учун имконияти етадиган бўлиб қолди”. 
  
“МАНЧЕСТЕР ЮНАЙТЕД” 

Сэр Алекс Фергюссоннинг кетганидан бери “қизил иблислар”нинг ишлари юришмаяпти. Клуб аввалги даражасига чиқа олмаяпти. Мураббийлар штабида тинисиз бўлган ўзгаришлар ҳам барибир фойдаси бўлганича йўқ. Шунга қарамай, “қизил иблислар” тахтга қайтиш илинжида таркибни кучайтиришда давом этмоқда. 
ТРАНСФЕРЛАРИ: Жорий трансфер пайтида “манкунианликлар” анча фаоллик кўрсатишди. Жамоа ҳар бир чизиқни сезирарли даражада кучайтирди. Хусусан Маттео Дармиан (12,6 млн. фунт), Бастиан Швайнштайгер (12,6 млн. фунт), Мемфис Депай (19 млн. фунт), Морган Шнайдерлин (24 млн. фунт)ларни сотиб олди. Шунингдек, аргентина терма жамоаси дарвозабони Серхио Рамео ҳам Англия клубига кўчиб ўтди. Кўриниб турибдики, бу клуб анча харидларни амалга ошириб, чемпионлик учун курашмоқчи эканлигини кўрсатмоқда. 
ЙЎҚОТИШЛАРИ: Биргина Робин ван Перси клубни тарк этди. У фаолиятини Туркия чемпионатида давом эттиради. Голландиялик ҳужумчи трансфери орқали “қизил иблислар” 5 миллион фунт ишлаб топди. 
АПЛ ЧЕМПИОНЛИГИ УЧУН ИМКОНИЯТИ: Луи Ван Гаал янги мавсумда клубни чемпионлик тахтига қайтариши тахмин қилинмоқда. Шу сабабли клубнинг бу борадаги имкониятларини 90 фоизга тенг дейилмоқда. Чунки “Челси” ва “Манчестер Сити” жиддий рақиблик қилиши табиий. 7 
Уэйн РУНИ (жамоа сардори): - “Янги мавсумда клуб билан Англия чемпиони бўлишимизга ишонаман. Бизни бу борадаги имкониятларимиз яхши ва озирига қадар астойдил ҳаракатни бўшаштирмасак, кўзланган мақсадга эришган бўламиз”. 
  
“ЛИВЕРПУЛЬ” 

Брендан Рожерс келиб, “қизиллар”нинг ишлари анча юришиб қолди. Тўғри, ўтган мавсумдан бундан мустасно эмас. Аммо, янги мавсумда “Ливерпул”дан бошқача футбол намойиш қилинишини кутилмоқда. Бежизга жамоа раҳбарияти трансферлар учун 150 миллион фунт ажратмади. 
ТРАНСФЕРЛАРИ: “Ливерпуль” жуда кўплаб харидларни амалга ошира олди. Булар Адам Богдан (дарвозабон), Натаниэль Клайн, Жо Гомес (иккиси ҳимоячи), Роберто Фирмино, Жеймс Милнер (иккиси ҳам ярим ҳимоячи), Кристиан Бентеке, Дэнни Ингз (иккиси ҳужумчи). Бу футболчиларни трансфери учун умумий ҳисобда 75 миллион фунт сарфланди. Ҳар ҳолда жамоа таркиби йўқотишлар ўрнига муносиб тарзда қопланди. 
ЙЎҚОТИШЛАРИ: Сўзсиз, Стивен Жеррарднинг кетгани жамоанинг энг катта йўқотиши бўлди. Клуб юраги бўлган футболчи АҚШга йўл олди. Албатта, бу оғир жудолик дейиш мумкин. Қолаверса, Рахим Стерлингни “Манчестер Сити”га ўтиб кетгани ҳам қўшимча зарба бўлди. 
АПЛ ЧЕМПИОНЛИГИ УЧУН ИМКОНИЯТИ: Инглиз мутахассисларининг берган хабарига кўра, жамоа жорий йилда Англия чемпиони бўлиши кутилмоқда. Таркибда йўқотишлар бўлишига қарамай, АПЛ ғолиблиги учун имкониятлари яхши дея баҳоланмоқда. 95 фоиз – мутахассисларнинг жамоага берган баҳоси ҳисобланади. Брендан РОЖЕРС (жамоа бош мураббийи): - “Чемпион бўлишимиз ўз қўлимизда эканлигини биламиз. Шу боисдан жорий йилда имкон қадар мухлисларни қувонтириш ва жамоанинг азалий орзуси бўлиб келаётган Англия Премьер-лигаси чемпионлигини олиб беришга ҳаракат қиламиз. Бу истагимизни амалда ҳал қилиш жамоанинг ёшларини қўлидан келади”. 

livermore (Худайбердиев Нурмухаммад)